Вчера во Полициската станица Ѓорче Петров бил извршен службен разговор со И.А.(36) од Скопје.
Таа се сомничи дека лажно се претставувала како вработена во општина Ѓорче Петров и од повеќе угостителски објекти нарачувала храна во име на фирми со кои наводно соработувала општината.
Во разговорот таа го признала делото.
По целосно документирање на случајот, како што соопшти полицијата, против неа ќе биде поднесена соодветна пријава.
