Вчера во 08.45 часот на патот за вештачкото езеро во Прилеп, полициски службеници од ОВР Прилеп го лишиле од слобода Р.И.(32) од Прилеп.
Тој како што информира полицијата, на патот запалил отпад во близина на сува трева на стрниште и на тој начин ја довел во опасност безбедноста на граѓаните.
Со него бил извршен службен разговор во полициска станица и по целосно документирање на случајот ќе биде поднесена соодветна пријава.
