Три лица се повредени во сообраќајна несреќа што се случила вчера на магистралниот пат Крива Паланка-Куманово, атар на с.Псача, општина Ранковце.
Несреќата се случила меѓу автомобил „тико“ со кривопаланечки регистарски ознаки, управувано од З.К.(52) од Крива Паланка и товарно возило „мерцедес“ со полуприколка со српски национални ознаки, управувано од Б.С.(48) од Република Србија.
Во несреќата со тешки телесни повреди се здобиле З.К. и неговата сопатничка М.К.(52) од Крива Паланка, додека со телесни повреди се здобил сопатникот од истото возило Д.К.(21) од Крива Паланка, констатирани во Општа болница во Куманово.
Увид на местото на несреќата извршила екипа од Полициската станица Крива Паланка.