Три лица биле искасани од кучиња скитници, покажува полицискиот билтен. Меѓу повредените, има и малолетник, кој според пријавата бил нападнат во школски двор. Сите случаи се во Скопје.
„Во 09.30 часот во Полициската станица Центар Ф.Х.(47) од Скопје пријавила дека на бул.“Мајка Тереза“ била касната од куче скитник. Во 17.00 часот во Полициската станица Аеродром С.Ш.(43) од Скопје пријавила дека во кругот од основно училиште на подрачјето на Аеродром нејзиниот малолетен син бил каснат од куче скитник. Во 19.00 часот во Полициското одделение Петровец В.А.(49) од Скопје пријавила дека во с.Ржаничино била касната од куче скитник“, стои во полицискиот билтен.
И вчера беа пријавени три каснувања од кучиња. Изминатата недела, имаше и остри реакции за нетретрирањето на бездомните животни, кои се оставени на улиците без храна и вода.
