Елче и Ваљадолид одиграа супер интересн натпревар на стадионот „Мануел Мартинез Валеро“. На крајот по 115 минути игра немаше победник, резултатот беше 1:1.
Ваљадолид водеше од четвртата минута, кога Канаѓанецот Кајл Ларин погоди за 0:1. Ова беше трет гол на петтиот натпревар за Ларин, кој во јануари на позајмица дојде во Ваљадолид.
Елче израмни во 96.минута, преку својот најдобар играч Тете Моренте. Само две минути подоцна истиот играч имаше фантастична шанса за целосен пресврт, а возбудувањата не завршија тука.
Ваљадолид поради повредата на Мацис, во финишот влезе со играч помалку, а до крајот двајца играчи добија црвени картони Роке Меса и Мартин Онгла. Гостите со седум играчи во поле на крајот успеаја да останат непоразени.
Елче остана на последното место на табелата со само 13 освоени бодови, додека Ваљадолид е на 13. место со 28 бодови.
