Министерката за труд и социјална политика, Јованка Тренчевска, денеска ја посети градинката „Брешија“ во Дебар, која беше пречекана од страна на директорката Ајрие Дачи. За време на посетата, министерката проследи кратка претстава одиграна од страна на децата во градинката. Градинката моментно вкупно во сите свои објекти има вклучено 399 деца во процесот на воспитание и образование.
„Владата дава висок приоритет на предизвиците во општините за да можеме со општинските власти да го подобриме квалитетот на живот на граѓаните на локално ниво. До крајот на мандатот на оваа Влада ќе ја доградиме градинката, која ја почнавме со цел зголемување на капацитетите во предучилишното воспитание“.
Министерката се осврна на зголемувањето на минималната плата и потсети на покачувањето на платата во градинките и воспитувачите од изминатиот период.
За време на посетата беше напавенр увид и на доградбата, која е во тек, а ја финансира Министерството за труд и социјална политика. Доградбата ќе ги зголеми капацитетите на градинката за 62 деца. Предвидени се четири занимални, од кои две ќе бидат јаслени. Предвидени се и тоалети за лица со посебни потреби во согласност со правилниците за работа.
Тренчевска ги посети и просториите што се изградени со помош од Еразмус-програмите. Таму беше презентирана работата во просториите во кои се практикуваат Монтесори-методите, како и сензорната соба, која децата ја користат бесплатно.
