Претседателот на САД, Доналд Трамп, го номинира генерал-потполковник Франсис Л. Донован за нов командант на Јужната команда на САД, надлежна за Јужна и Централна Америка. Тој ќе го наследи адмирал Алвин Халси, кој заминува во пензија на 12 декември. Американските медиуми наведуваат дека Халси имал резерви околу нападите на Пентагон врз бродови осомничени за трговија со дрога во Карипското Море и Тихиот Океан, вклучително и кај брегот на Венецуела. Во изминатиот период САД распоредија сили во регионот и спроведоа операции против наводни нарко-мрежи, при што, според наводите, загинале над 100 лица.
Паралелно, Трамп повеќепати се закани со можна интервенција против владата на венецуелскиот претседател Николас Мадуро, кој ги отфрла обвинувањата и тврди дека САД се обидуваат да го дестабилизираат режимот и да преземат контрола врз нафтените ресурси.
