Поранешниот американски претседател Доналд Трамп се огласи по обидот за атентат врз него во Пенсилванија, заблагодарувајќи се „на сите за вашите мисли и молитви, бидејќи само Бог спречи да се случи незамисливото
„Само Бог спречи да се случи незамисливото. Нема да се плашиме, туку наместо тоа ќе останеме издржливи во верата и пркосни пред злобата“, напиша поранешниот претседател во објавата на социјалната мрежа „Truth Social“, пренесува „CNN“.
Тој рече дека се моли за оздравување на ранетите во нападот и додаде дека во нашите срца „го чуваме споменот на еден толку страшно убиен граѓанин“.
Тој посочи дека сега е поважно од кога било „да останеме обединети“.
„Навистина ја сакам нашата земја и ве сакам сите вас, и со нетрпение очекувам да разговарам со нашата голема нација во Висконсин оваа недела“- рече Трамп.
Републиканскиот претседателски кандидат беше застрелан во увото со полуавтоматска пушка за време на митинг во Пенсилванија.
Едно лице од публиката загина, а две се повредени.
Припадниците на Тајната служба го ликвидирале атентаторот, кој е идентификуван како 20-годишен млад човек, регистриран републиканец, од Пенсилванија.
