Најмалку 11 лица го загубија животот, а над 60 се повредени, откако автомобил влета во толпа луѓе на божиќен саем во Магдебург, Германија, јавува „Билд“. Германската полиција го уапси возачот и истражува можен терористички мотив. Според „Велт“, станува збор за 49-годишен маж од Саудиска Арабија кој досега не бил познат на властите како исламист.
Градските власти известуваат дека меѓу повредените, 15 лица се во критична состојба. Очевидци тврдат дека возачот намерно ја пробил бариерата и возел цик-цак за да прегази што повеќе луѓе.
Полицијата апелира до граѓаните да избегнуваат посети на центарот на градот, додека тимовите за итна помош и истрагата се активни на терен.
Овој напад ги потсетува Германците на трагичниот инцидент во Берлин во 2016 година, кога радикален исламист усмрти 13 лица на божиќен саем.
