Холивудското симпатично момче Том Хенкс го крши калапот глумејќи мрзоволен вдовец во „Човекот наречен Ото“.
Неговиот лик, Ото Андерсон, е 60-годишен маж кој планира да стави крај на својот живот по смртта на сопругата и присилното пензионирање, но наместо тоа се спријателува со своите весели соседи и почнува да го гледа животот низ позитивна призма.
Оваа комедија-драма е адаптирана според шведскиот роман „Човек наречен Ове“ на Фредрик Бакмен (2012 година).
„Човекот наречен Ото“, во режија на Марк Форстер, пристигнува во одредени кина в петок (6 јануари).
Хенкс, кој освои „Оскар“ за најдобар актер за „Форест Гамп“ и „Филаделфија“, во интервју за за „Ројтерс“ откри дека за неговата улога не била потребна ниту една аудиција, бидејќи тој и неговата сопруга Рита Вилсон ги купиле правата за адаптација на романот и филмот за американската публика.
„Видете, јас сум себичен. Јас сум себичен актер со натпреварувачки дух, и знам добра улога кога ќе ја видам и сметам дека никој друг не беше во игра за улогата бидејќи себично реков: знам точно што сакам да правам овде, знам точно како да бидам не само мрзоволен, туку и секогаш точен“.
