Црногорската влада денеска ќе почне со процесот за основање на нова авиокомпанија, изјави министерот за капитални инвестиции Младен Бојаниќ и додаде дека новата компанија ќе се вика „To Montenegro“.
„Ќе имаме нова компанија што ќе се води како што треба“, додаде тој.
Тој додаде дека ќе бидат потребни шест до девет месеци да се заврши сè што е потребно во врска со новата авиокомпанија.
„Испративме официјално писмо до Европската комисија да ни помогне во тој процес. Исто така, планираме да преземеме одреден дел од персоналот од ‘Монтенегро ерлајнс’ во новата компанија“, рече Бојаниќ.
