Талентираниот македонски голман Васко Василев (18) потпиша тригодишен договор со португалскиот прволигаш Рио Аве.
Репрезентативецот на Македонија до 18 години, во Португалија се пресели од Црвена звезда. Претходно беше дел од Динамо Врање и Академијата на Вардар.
Како член на Црвена звезда играше на позајмица во филијалата на црвено-белите, Графичар и во Рад.
Рио Аве има добра голманска школа, доказ се Јан Облак (Атлетико Мадрид) и Едерсон (Манчестер сити). Овие двајца голмани од светска класа на почетоците на кариерите го бранеле голот на Рио Аве.