Бразил ја победи Србија со 2:0, со головите на Ришарлисон во 62. и во 73. минута.
Капитенот на српската репрезентација, Душан Тадиќ, изјави дека селекцијата на Бразил заслужено победила во натпреварот од првото коло од групата Г на Светското првенство во Бразил.
„Можеше да биде подобро. Бразил е исклучително силен, ние одиме на победа на секој натпревар. Беше тежок натпревар, на крајот тие заслужија да победат. Имавме моменти кога можевме да им се заканиме, ако ги искористевме подобро можеби и можеше мечот да тргне во друга насока“, изјави Тадиќ.
В понеделник, во второто коло Србија ќе игра со Камерун, кој на стартот загуби од Швајцарија со 1:0.
„Мораме да продолжиме понатаму. Имаме уште два важни натпревари и мораме да направиме сè што можеме. Пред нас се многу квалитетни репрезентации, но не се на нивото на Бразил. Мора да се фокусираме и да одиме на победи“, истакна Тадиќ.
