Светската Атлетика, интернационалната федерација која ја води атлетиката, ги забрани трансродовите жени во елитните женски натпреварувања ако тие поминале низ машки пубертет.
Претседателот Себастијан Коу, британската атлетска легенда, оценува дека ова се прави за да се „заштити женската категорија“ во атлетиката и дека ќе се формира комисија која ќе ги разгледува случаите за трансродови спортисти.
Претходно ФИНА, светската пливачка федерација во јуни гласаше за забрана на трансродовите жени во елитните натпреварувања исто така ако поминале низ машки пубертет, оценувајќи дека и покрај намаленото ниво на тестостерон, тие кои се родени како мажи имаат „значителна“ биолошка предност.
Покрај тоа, Светската Атлетика стави крај на осумгодишната суспензија поради допингување на Руската атлетска федерација, иако ова не значи дека тие ќе се вратат на натпреварувањата поради посебната суспензија поради војната во Украина.
