Утрински Весник
Магазин

Студија: Здравиот начин на живот го неутрализира влијанието на генетиката за над 60 проценти

Images 1 2.jpg

Здравиот начин на живот може да го неутрализира влијанието на генетиката за повеќе од 60 проценти и да додаде уште пет години на животот, се наведува во првата студија работена на тоа.

Добро е познато дека некои луѓе се генетски предиспонирани за пократок животен век, објави „Гардијан“.

Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.

Сепак, досега не е направено истражување за степенот до кој здравиот начин на живот може да се спротивстави на генетиката.

Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.

Резултатите беа објавени во списанието BMJ Evidence-Based Medicine.

Оваа студија фрла светлина врз клучната улога на здравиот начин на живот во ублажувањето на влијанието на генетските фактори врз намалувањето на животниот век, заклучија истражувачите.

Јавните здравствени политики за подобрување на здравиот начин на живот ќе послужат како моќно дополнување на конвенционалната здравствена заштита и ќе го ублажат влијанието на генетските фактори врз животниот век на човекот, изјавија тие.

Студијата опфатила 353.742 луѓе од Британската Biobank и покажала дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот начин на живот.

Во исто време, луѓето кои водат нездрав начин на живот имаат 78 отсто зголемени шанси за рана смрт, без оглед на генетскиот ризик, открија истражувачите од Медицинскиот факултет на Универзитетот Жеџијанг во Кина и Универзитетот во Единбург.

Студијата додава дека нездравиот начин на живот и гените кои водат до пократок животен век повеќе од двојно го зголемуваат ризикот од рана смрт во споредба со луѓето со гени кои водат до подолг животен век и здрав начин на живот.

Можете да прочитате

Украдената слика на Тицијан, пронајдена на автобуска станица во Лондон

Американскиот натпревар во јадење хотдози во живо на Нетфликс

Четиригодишно девојче се здобило со изгореници додека пливалo во море во Грција