Страшен обид за грабеж се случил вечерта на 7 мај во романскиот град Стрехај. Според очевидци, неколку лица наводно фрлиле шише бензин на ветробранското стакло на возилото додека возачот бил зад воланот.
Се се случило пред очите на минувачите, кои веднаш ги известиле надлежните, пренесуваат романските медиуми.
Во моментот на пристигнувањето на спасувачките екипи, возачот, 32-годишен маж од општина Флорешти, имал изгореници на десната рака и бил во шок.
Тој итно бил пренесен во болница за укажување лекарска помош.
Мотивот на целиот инцидент би можел да биде поврзан со сомнежот дека во возилото има поголема сума пари. Полицијата започна истрага за утврдување на точните околности на настанот и откривање на сторителите.
Според Актуел Мехединти, извештаите покажуваат дека автомобилот имал регистарски таблички кои не одговараат на возилото, што дополнително ја отежнува истрагата.
