Статуата на покојниот германски кардинал Франц Хенгсбах денеска беше отстранета од плочата пред катедралата „Есен“ во западна Германија, и тоа неколку дена откога на виделина излегоа наводите за сексуална злоупотреба, кои датираат пред неколку децении.
Обвиненијата против кардиналот Хенгсбах, кој почина во 1991 година, придонесоа скандалот со вознемирувањата извршени од свештениците во Германија да стигне во центарот на вниманието на јавноста.
Минатата недела бискупијата во Есен соопшти дека постојат сомневања дека Хенгсбах, кој бил епископ на Есен 33 години, можеби малтретирал 16-годишно девојче во 50-тите кога бил помошен епископ во блискиот Падерборн.