Утрински Весник
Скопје

Средношколци во еко акција садеа дрва за зголемување на шумскиот фонд во Скопје

Image 205077.jpeg

Град Скопје во соработка со ЈП „Паркови и зеленило” и градските средни училишта организира голема еколошка акција за пошумување на парк шумата Водно. Во рамките на оваа голема  еко акција,  Градоначалничката на Град Скопје, Данела Арсовска заедно со стотина ученици од скопските средни училишта „Јосип Броз Тито” и „Раде Јовчевски Корчагин” на Водно засадија 100 садници црн бор. Со еко акција за садење нови дрвја за зголемување на шумскиот фонд во нашето Скопје заедно со скопските средношколци ја подигаме свесноста за потребата од чување и заштита на животната средина. Зелените површини, зелените коридори и парковите играат голема улога во зачувување на здравјето, а истовремено ја потенцираме важноста од одговорниот однос кон животната средина без нејзино загадување и уништување.  Град Скопје продолжува со реализацијата на бројни активности на садење дрвја и садници на повеќе локации низ Скопје, како еден од проритетите од програмата за Модерно Скопје. Во текот на изминатата недела градоначалничката Арсовска со учениците од скопските средни училишта  „Боро Петрушевски”,„8 ми Септември”,„Михајло Пупин” и “Панче Арсовски” засадија 100 чемпреси во парк шумата Гази Баба.

Можете да прочитате

Во пожарот кој ја зафати Универзална сала горел градежен материјал што требало да биде исфрлен

Со низа активности Општина Аеродром одбележува 19 години постоење

Дел од општина Гази Баба утре без вода