Таткото на Новак Ѓоковиќ, Срѓан Ѓоковиќ објави кога неговиот син би можел да ја заврши кариерата.
Таткото на српскиот тенисер истакна дека би сакал неговиот син наскоро да ја заврши кариерата, односно дека одамна требало да престане да се занимава со професионален тенис.
Новак има 36 години и е професионалец од 2003 година. Во 20. годишната кариера освои рекордни 23 Грен слем титули и вкупно 94 АТП трофеи.
„Да, нека некои други помлади играчи го заземат своето место, па да може тој полека… Не дека е крај, туку за година и пол… Тоа е моја желба како татко, односно мислев дека тој требаше одамна да престане да се занимава со оваа исклучително тешка работа. Ова не е спорт, ова е исклучително тешка работа, во секој поглед и физички и психички. Затоа што има уште многу малку живот, затоа што е максимално посветен на оваа работа веќе 30 години и не се откажува ниту за една педа“, изјави Срѓан Ѓоковиќ за српски „Блиц“.
