Силниот снег што изминатите часови го зафати подрачјето на Битола предизвика прекини на електричната енергија на повеќе локации низ градот и околните населби. Од ЕВН информираат дека дефектите се последица на натежнат снег на електричните кабли, а нивните екипи се на терен за да ги санираат проблемите информираат од Центарот со управување на кризи.
Дополнително, на улицата „Студентска“ е регистриран паднато дрво кое го блокира сообраќајот. МВР СВР Битола во координација со јавните претпријатија работи на отстранување на пречката за да се воспостави нормално движење.
Граѓаните се апелираат на трпение и претпазливост додека траат интервенциите. Од надлежните институции најавуваат засилени активности за да се намали хаосот предизвикан од зимските услови.
