Во рок од само неколку часа, Скопје се искачи од 25-то на 5-то место на листата на најзагадени градови во светот, а воедно стана и најзагаден град во Европа. Ова драматично зголемување на загадувањето доаѓа вечерва, кога традиционално се палат бадникови огнови низ градот.
Горењето на дрва, гуми и отпад на отворено дополнително ги зголемува нивоата на ПМ честички во воздухот, што значително ја влошува состојбата со квалитетот на воздухот. Овој проблем се повторува секоја година, а загадувањето кулминира во вечерните часови на Бадник.
