Скопје денес повторно се наоѓа и се искачува на неславната листа на најзагадени градови во светот – според податоците на IQAir каде главниот град на Македонија е рангиран како 19‑ти најзагаден град во светот.
Во Скопје вечерва регистрирани се екстремно високи концентрации на штетни честички на повеќе локации во градот и околината. Податоците покажуваат дека воздухот во неколку клучни реони е во опасната зона, што сериозно го загрозува здравјето на граѓаните.
Според последните мерења, Ново Лисиче е најкритично со индекс на квалитет на воздухот (AQI) 166, што се категоризира како „нездраво“. Следуваат:
Центар (околу Рамстор и Плоштад) – AQI 153
Железара – AQI 152
Козле/Карпош – AQI 135
Овие вредности далеку ги надминуваат препораките на СЗО и укажуваат на висока концентрација на ситни штетни честички како PM₁₀ и PM₂.₅, кои најлесно навлегуваат во белите дробови и крвотокот.
Здравствени препораки за граѓаните
Поради сериозната состојба, експертите и здравствените институции ги повикуваат граѓаните да бидат особено внимателни:
Избегнување активности на отворено, особено во утринските и вечерните часови.
Чувствителните групи – деца, бремени жени, постари и лица со хронични заболувања – да останат во затворени простории.
Користење заштитни маски тип N95 при задолжително излегување.
Проветрување само во периоди кога има пад на концентрациите.
Иако ситуацијата е критична, надлежните институции сè уште немаат прогласено вонредни мерки.
Скопјани и вечерва ќе дишат тежок и опасен воздух, а останува да се види дали градските и државните власти ќе воведат мерки за намалување на загадувањето.
