Утрински Весник
Македонија

Скопјанец фатен синоќа во парк како продава кокаин

Img 0388.jpeg

Основното јавно обвинителство Скопје донесе Наредба за спроведување истражна постапка против едно лице за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

-Осомничениот 42-годишник набавил наркотична дрога кокаин од засега непознато лице со намера неовластено да ја препродава. На 6 јули, во вечерните часови, ставил 13 полиетиленски пакувања кокаин со вкупна нето маса од 5,09 грама во багажниот простор под седиштето на својот моторцикл и во отвори со гумен капак, информираат од ОЈО и додаваат: 

-Полициски службеници го затекнале додека со моторциклот се движел во Градскиот парк, пред стадионот на АРМ и при преглед на превозното средство ја откриле дрогата и парични средства – 3.000 евра и 5.000 денари за кои постои сомнение дека потекнуваат од илегална продажба на дрога. 

Бидејќи постои опасност од бегство и особени околности кои укажуваат дека тој би можел да го повтори делото, а особено фактот што против него веќе е водена постапка и Основниот суд во Гевгелија му изрекол условна казна за поседување помало количество наркотици, јавниот обвинител до Основниот кривичен суд Скопје сега достави предлог за определување мерка притвор за осомничениот, се вели во информацијата од ОЈО.

Можете да прочитате

УЈП : РЕГИСТРИРАЈТЕ ГО ГОТОВИНСКИОТ ПРОМЕТ ПРЕКУ ФИСКАЛЕН СИСТЕМ НА ОПРЕМА (ФИСКАЛНИ КАСИ)

Мицкоски на НАТО самитот беше маргиналец, пропуштена шанса да се зајакне позицијата на државатав

СДС и малиот Заев, Филипче жалат што Македонија нема повеќе свиткана кичма во НАТО