Изборниот процес во Скопје е сериозно компромитиран по откритието дека Движењето за национално единство на Турците (ДНЕТ) на својата советничка листа за Град Скопје кандидирало лице кое е починато уште во јануари 2024 година.
Според информациите, станува збор за кандидат на реден број 15, со иницијали Б.Љ., родена во 1940 година, која, и покрај тоа што починала пред повеќе од девет месеци, сè уште фигурира како активен кандидат.
Овој случај отвора сериозни сомнежи за манипулација и злоупотреба на изборниот процес, бидејќи починатото лице се наоѓа и на избирачкиот список. Тоа го доведува во прашање интегритетот на изборите и отвора дилема колку уште вакви случаи има на листите на други партии и во избирачките списоци низ државата.
Правни експерти укажуваат дека ваквото постапување претставува кривично дело и бараат од институциите итна реакција и проверка на сите кандидатски листи пред изборите.
Граѓаните со право реагираат и прашуваат како е можно починати лица да останат дел од официјалните изборни документи, без никој да ја сноси одговорноста.
Инаку Движењето за национално единство на Турците (ДНЕТ) е коалиционен партнер во власта на ВМРО-ДПМНЕ
