Утрински Весник
Спорт

Синер ќе го предизвика Циципас во осминафиналето во Мелбурн

Синер ќе го предизвика Циципас во осминафиналето во Мелбурн

Грчкиот тенисер Стефанос Циципас се пласираше во осминафиналето на Отвореното првенство на Австралија во Мелбурн, откако по три сета со 6:2, 7:6, 6:3 го совлада 63. светски играч, Холанѓанецот Талон Грикспур.

dobivaj vesti na viber

Четвртиот тенисер во светот победи за два час и осум минути.

Трипати му одзеде сервис на противникот, кој не успеа да направи ниту еден брејк.

Циципас во осминафиналето ќе игра против Италијанецот Јаник Синер, 16. рангиран тенисер во светот.

Синер по три часа и 36 минути го победи 78. играч на светот Мартон Фучович од Унгарија со 4:6, 4:6, 6:1, 6:2, 6:0.

Свое место во осминафиналето најде и Феликс Оже-Алијасим откако по четири сета со 6:1, 3:6, 6:1, 6:4 го совлада 29. играч во светот, Аргентинецот Франциско Серундола.

Оже-Алијасим во осминафиналето ќе игра против победникот од мечот меѓу Британецот Камерон Нори и Јиржи Легечка од Чешка.

Можете да прочитате

Чави и да не се премисли останува во Барселона

Јокиќ со нов рекорд во НБА

Медведев – Синер е првата полуфинална двојка на Мастерсот во Мајами