Утрински Весник
Свет

Силен земјотрес на Хаити, има мртви

Силен земјотрес на Хаити, има мртви

Земјотрес со јачина од 4,9 степени според Рихтеровата скала утрово го погоди јужниот дел на Хаити, при што загинаа најмалку три лица, а неколку други беа повредени, соопштија властите.

dobivaj vesti na viber

Земјотресот се случи пред зори во близина на градот Јеремија на јужниот брег на длабочина од 10 километри, соопшти Американскиот геолошки институт.

Тројца од загинатите се пронајдени под урнатата куќа каде спасувачите бараат повеќе луѓе, а неколку повредени деца се хоспитализирани.

Земјотресот се случи по речиси една година откако потрес од 7,2 степени според Рихтеровата скала го погоди јужниот дел на Хаити, при што загинаа повеќе од 2.200 луѓе, а најголема штета претрпе Лес Кај.

Некои луѓе кои ги загубија своите домови минатиот август сè уште живеат во кампови.

Во земјотресот со јачина од 7 степени според Рихтеровата скала во близина на густо населениот главен град Порт-о-Пренс во 2010 година загинаа најмалку 200.000 луѓе и предизвика големо уништување на зградите.

Можете да прочитате

Портпаролот на терористичката „ИД“ го пофали нападот што го изврши во концертна сала во московскиот регион

Трагедија во Јужна Африка: 45 лица загинаа во автобуска несреќа

Илјадници налози на Телеграм блокирани поради повици на терористички напади