Основачот на хуманитарната организација „Централна светска кујна“ го обвини Израел дека ги гаѓал неговите хуманитарни работници „систематски, автомобил со автомобил“ за време на ракетните напади во понеделникот во кои загинаа седум лица.
Новиот напад на Израел дополнително го зголеми гневот на меѓународната заедница и дополнително ја усложни поддршката на Западот за израелската војна во Газа, наведува Си-Ен-Ен.
Организацијата ги оспори наводите на Израел за нападот врз хуманитарните работници и повика на независна истрага за нападите што погодија три автомобили во центарот на Газа.
„Израел ги призна убиствата, но го нарече „трагичен настан во кој нашите сили ненамерно повредија неборци“ и дека е нешто што „се случува во војна“, соопшти невладината организација.
„Ова беше воен напад кој вклучуваше повеќекратни напади и насочени кон три возила на ЦСК. Сите три возила превезувале цивили; тие беа означени како возила на ЦСК и нивното движење беше целосно во согласност со израелските власти, кои беа свесни за нивниот пат, рута и хуманитарна мисија“, се додава во соопштението.
Седум лица – тројца Британци, Палестинец, американско-канадски двоен државјанин, Австралиец и Полјак – беа убиени во нападите, што предизвика бес во тие земји и поттикна дополнителна проверка на однесувањето на Израел во Газа.
