Утрински Весник
Македонија

Сиљановска Давкова oд Матарела побарала гаранции за евроинтеграциите

Siljanovska Davkova.jpg

Претседателката Гордана Сиљановска Давкова денеска во Рим на средбата со нејзиниот италијански колега Серџо Матарела побарала гаранции за европската иднина на државата.

-Побарав од италијанскиот претседател и од Италија на натамошниот пат да помогнат околу давање гаранции за нашата европска политичка иднина, на што тој одговори дека е подготвен да застане зад нас се разира и во барањето на решенија со соседите, изјави Сиљановска Давкова по средбата со Матарела.

Како што јави известувачот на МИА од Рим, таа средба ја оцени како плодна и конструктивна. На неа разговарале за сестраната соработка во период од 30 години, не само со нас, туку и со целиот регион на Западен Балкан.

-Претседателот рече дека Италија ќе продолжи да го поддржува регионот, да не поддржува нас, во секој поглед, не само во евроинтеграциите, туку и во економијата, обраозванието, културата, одбраната, па и италијанското и нашето членство во меѓународни организации, рече Сиљановска Давкова.

Таа истакна дека на средбата ја импресионирало тоа што Матарела покажал длабоко разбирање за направените жртви на земјава во процесот на евроитеграциите.

-Напомена дека во моментов не може да зборуваме дека има големи и мали држави во ЕУ, дека сите се мали и дека сите имаат потреба едни од други. Постигнавме согласност дека европските стандарди треба да се почитуваат од сите и од оние надвор, како од оние што се внатре, рече Сиљановска Давкова.

Со средбата со Матарела таа го завршува официјалниот дел на посетата на Рим и Ватикан во рамки на честувањето на 24 Мај – Денот на сесловенските просветители, на која беше на аудиенција кај папата Франциск, а денеска присуствуваше на молебен на гробот на Свети Кирил во базилијата „Свети Климент“, а потоа положи венец пред спомен-плочата на македонски јазик во базиликта „Санта Марија Маџоре“. 

Ова е прва официјална посета во странство на претседателката Сиљановска Давкова, по победата на претседателските избори на 8 мај.

Можете да прочитате

Пустинска прашина од Сахара денеска и утре ќе ја зафати Македонија

Изработен нов електронски дневник, ќе се применува во новатa учебна година по тест периодот, соопшти МОН

Карамбол во Тетово – удрил во паркирани автомобили, повредени возачот и 19 годишен сопатник