„Ни една држава, влклучително и голем дел од земјите-членки на Европската Унија, не успеала со национални средства да ги спроведе инвестициите во животната средина, туку успеале со голема помош од фондовите на ЕУ“ рече министерката за животна средина и просторно планирање, Каја Шукова на конференцијата „Година на европски можности“.
Таа додаде дека ИПА веќе се користи особено за инвестиции во управувањето со води, отпад, заштита на природата и заштита на воздухот.
„Но, кога ќе се отворат европските фондови, кога ќе ја отвориме преговарачката рамка, се очекува дека средствата ќе се зголемат неколку пати и ќе помогнат на државата во развојот“ рече Шукова.
Министерката додаде дека ако не инвестираме во животната средина и доброто управување со отпад, тогаш ќе потрошиме многу повеќе пари на санирање на последиците.
