Во реонот на Амстердам денеска речиси запрен железничкиот сообраќај поради штрајк на работниците. Возовите во меѓународниот сообраќај беа запрени, како и на линијата до прометниот аеродром Шипхол.
Компанијата „Еуростар“ која управува со возовите меѓу Лондон и Амстердам, објави дека нејзините возови нема да сообраќаат ниту до Ротердам, ниту до Амстердам.
Компанијата Thalys, чии возови сообраќаат во Франција, Холандија и Белгија, ги предупреди патниците дека возниот ред ќе биде во застој.
Железничарите штрајкуваат барајќи повисоки плати и подобри услови за работа, пренесува Бета-АП.
Официјални претставници на синдикатот велат дека железничките работници се под силен притисок од недоволно персонал и им е потребно значително зголемување на платите поради инфлацијата што ја погоди Холандија и остатокот од Европа,пренесе Политика.рс.
