Раководството на Северна Кореја усвои закон со кој официјално ќе и се додели на земјата статус на нуклеарна сила, пишува „Шпигел“.
Според севернокорејскиот лидер Ким Џонг-ун, овој потег ќе ги направи невозможни преговорите со Западот за денуклеаризација. Освен тоа, новата легислатива предвидува можност за „автоматски“ нуклеарни напади против непријателските сили во случај на закана за напад врз раководството на земјата.
Според експертите, ваквите остри изјави може да бидат подготовка за нови тестови за нуклеарно оружје. Северна Кореја последен пат спроведе вакви тестови во 2017 година. Овој потег веројатно значително ќе ги зголеми тензиите меѓу Северна Кореја и Западот.
Во својот говор Ким Џонг-ун ги обвини Соединетите Држави дека сакаат да ја ослабат земјата и да го соборат нејзиното раководство.
Според весникот, главен услов за можни преговори и економска помош од Западот е целосно елиминирање на нуклеарниот арсенал на земјата.
