Пејачот Шон Мендес е фотографиран со познатата киропрактичарка Џозелин Миранда на влезот од неговата куќа во Лос Анџелес.
Долго време се шпекулира дека Мендес (24) и Миранда (51) се во врска, а овие фотографии само ги подгреваат шпекулациите.
Повеќето таблоиди дознаваат дека Миранда донела работи за да преноќи кај Шон.
Пејачот и докторката беа забележани како влегуваат во неговата куќа во Западен Холивуд, Калифорнија, во неделата.
Шпекулациите за тајна романса почнаа да кружат неодамна, откако беа забележани заедно на ручек во неколку наврати.
Џозелин со години е негов киропрактик и доктор додека е на турнеи, концерти и настапи. И покрај тоа што често се заедно, тие не ја потврдиле врската.
Поради својата специјализација за биомеханика и биодинамика, Миранда е многу позната меѓу американските пејачи, актери и спортисти, а нејзините медицински услуги ги користеле Џастин и Хејли Бибер, Кендал Џенер, Џастин Тимберлејк, Омар Аполо, Блејк Грифин.
Таа била официјален доктор на летната кошаркарска лига Big Three Summer Basketball.
