Утрински Весник
Балкан

Шокантна сцена во Хрватска: маж скокна на траект во движење оти не сакал да плати билет

Screenshot 2024 07 07 133655.jpg

Необичен инцидент се случи вчера на хрватското приморје, а видеото од настанот се шири на социјалните мрежи.

Имено, маж висел на рампата на траектот „Петар Хекторовиќ“ кој излегувал од пристаништето.

Тој, како што изгледа од видеото, бил подготвен за на плажа, дури имал и пешкир преку рамо.

Според информациите од компанијата сопственик на траектот, човекот немал билет.

„Станува збор за патник кој се обидел да се качи на траектот без билет уште додека траектот излегувал од пристаништето. Откако бил информиран за патникот на рампата, екипажот брзо интервенирал за да спречи развој на уште поопасна ситуација за патникот“, соопштија од компанијата.

На видеото имаше голем број коментари за овој настан, од кои некои се: „Кога доцниш на траект, а девојка те чека“ , „Пливај сине, пливај. Љубовта нема граници“, „Можно ли е?!“.

Можете да прочитате

Нови Сад: Питбул териер го нападнал својот сопственик и го убил

Земјите од регионот се уште под влијание на африканскиот топлотен бран

Турција одбележува осум години од неуспешниот обид за пуч