Тренерот на Барселона, Шарунас Јасикевичиус дел од кариерата мина во НБА, но не е љубител на кошарката која се игра „преку барата“.
Четириесет и седумгодишниот Литванец беше во најсилната лига на светот од 2005 до 2007 година, а настапуваше за Индијана и Голден Стејт при што забележа вкупно 138 натпревари со просечни 6,8 поени, 1,6 скока и 2,9 асистенции.
„За мене кошарката во НБА е неподнослива. Плејофот е друга работа, но невозможно е да се гледа регуларниот дел од сезоната“, изјави Јасикевичиус за Баскет њуз.
Вечерва од 20:00 часот во првиот натпревар од четвртфиналето на плејофот на Евролигата, Барселона го пречекува Жалгирис.
