Северна Кореја денеска повторно истрела неколку крстосувачки ракети кон Жолтото Море, западно од Корејскиот Полуостров, соопшти јужнокорејската војска.
Ова е последно лансирање на севернокорејски ракети откако пред три дена оваа изолирана земја истрела уште две балистички ракети, додека Пјонгјанг и Вашингтон ја засилуваат својата демонстрација на воена сила во судирот околу нуклеарното оружје и ракетната програма на оваа земја.
Северна Кореја во средата истрела проектили неколку часа откако американската подморница со балистички проектили со нуклеарен погон (SSBN) се појави во прва посета на Јужна Кореја по неколку децении.
Подморницата на нуклеарен погон „УСС Кентаки“ од Охајо, тешка 18.750 тони, вчера ја напушти поморската база Бусан, три дена по ретката посета на пристаништето во голема демонстрација на сила против растечките воени закани на Северна Кореја.
Северна Кореја, исто така, во четвртокот предупреди дека распоредувањето на американски сили, вклучувајќи носач на авиони, бомбардери или ракетни подморници во Јужна Кореја, може да поттикне употреба на нуклеарно оружје.
