Северна Кореја, која лансираше најмалку 88 балистички и други проектили оваа година, истрела ИЦБМ што може да лета 9.300 милји (речиси 15.000 километри) или подолго.
Тоа значи дека ракетата може да стигне до копното на САД, изјави јапонскиот министер за одбрана Јасуказу Хамада, пренесе Еј-би-си њуз.
И САД и јужнокорејските војски ги анализираат податоците, но последното лансирање на Северна Кореја вклучуваше ракета што поминала растојание од 1.000 километри, според јапонските и јужнокорејските власти.
Ракетата достигна височина од речиси 6.000 километри и леташе 69 минути пред да падне на околу 210 километри од Хокаидо во северна Јапонија, потврдија властите.
Командантот на 35-то борбено крило во воздухопловната база Мисава во северна Јапонија им нареди на сите во базата да се засолнат 23 минути по лансирањето на проектилот.
„Во овој момент, нема дополнителни индикации или предупредувања за непосредна закана за воздухопловната база Мисава“, рече командантот Мајкл Ричард.
Претседателот Џо Бајден е свесен за ситуацијата и ќе продолжи тесно да се консултира со сојузниците, се вели во соопштението на Булата куќа, пренесуваат медиумите.
