Северна Кореја лансира нова балистичка ракета и предупредува дека ќе „одговори уште посилно“ на напорите на САД да го зајакне своето присуство во регионот.
Северна Кореја изврши рекорден број вакви тестови оваа година, а исто така неодамна лансира стотици артилериски гранати во морето додека Јужна Кореја и САД организираа вежби, од кои некои ја вклучија и Јапонија.
Јужнокорејската армија соопшти дека балистичката ракета била лансирана од градот Вонсан на источниот брег на Северна Кореја, пишува „Ројтерс“.
Последното лансирање дојде помалку од два часа откако севернокорејскиот министер за надворешни работи, Чое Сон Хуи, остро го осуди трилатералниот самит во неделата на САД, Јужна Кореја и Јапонија за време на кој лидерите го критикуваа севернокорејското тестирање оружје и ветија поголема безбедносна соработка.
На разговорите американскиот претседател Џо Бајден ја потврди својата заложба за зајакнување на поширокото одвраќање и одбрана на двата азиски сојузника „со целиот опсег на способности“, вклучително и нуклеарно оружје.
Чое рече дека „воените вежби за агресија“ на трите земји не успеале да го задржат Северот, туку попрво би донеле „посериозна, реална и неизбежна закана“ за себе, пренесе „Индекс.хр“.