Иако оддава впечаток на елеганција и женственост, седењето со скрстени нозе подолго од половина час може да предизвика здравствени проблеми.
Долгото седење без пауза е докажано лошо за здравјето, па ако веќе мора да седите, внимавајте да не ги држите нозете скрстени подолго од половина час, правете паузи за станување и раздвижување и правете вежби.
Ако седите подолго време со скрстени нозе може да ви се покачи крвниот притисок, дури и ако немате предиспозиции за хипертензија.
Овој начин на седење ја пореметува циркулацијата. Во крвните садови има мали вентили кои овозможуваат правилен проток на крвта, а со скрстување на нозете го зголемувате притисокот врз вените и тоа го отежнува нормалниот крвоток.
Ако седите подолго од три часа дневно може да се јават болки во грбот и неправилно држење на телото, што пак предизвикува вкочанетост на вратот и рацете.
Последици на долгото седење со скрстени нозе може да бидат и трнење на нозете и непријатност при одење.
Не заборавајте да станете и да се раздвижите на секои 30 минути седење!
