Руско-американски вселенски екипаж се врати на Земјата денеска со вселенскиот брод „Сојуз МС-26“, објави руската вселенска агенција Роскосмос.
По повеќе од седум месеци поминати на Меѓународната вселенска станица, астронаутите на Роскосмос Алексеј Овчинин и Иван Вагнер и астронаутот на НАСА, Доналд Петит се вратија.
Тројцата работеле во вселената од 11 септември минатата година, пренесуваат агенциите.
„Излезот од орбитата и спуштањето кон Земјата се одвиваше нормално“, соопшти Роскосмос, додавајќи дека слетувањето се случило во Казахстан, во близина на градот Жезказган.
На 8 април вселенскиот брод „Сојуз МС-27“ беше лансиран во орбитата со Американецот Џони Ким и Русите Сергеј Рижиков и Алексеј Зубрицки.
На екипажот на Меѓународната вселенска станица, тие им се придружија на Американците Петит, Ен Меклејн и Никол Ајерс, Русите Овчинин, Вагнер и Кирил Песков и Јапонецот Такуја Ониши.
LIVE: After a 220-day space mission, astronaut Don Pettit and two crewmates are landing on the steppes of Kazakhstan in their Soyuz spacecraft. Touchdown is scheduled for 9:20pm ET (0120 UTC April 20). https://t.co/boR9moEhsI
— NASA (@NASA) April 20, 2025
