Утрински Весник
Свет

Рускиот олигарх Евгениј Пригожин: Се мешавме во американските избори и ќе продолжиме да го правиме тоа

Рускиот олигарх Евгениј Пригожин: Се мешавме во американските избори и ќе продолжиме да го правиме тоа

Пригожин често велеше дека обвинувањата против него ги носи во овој контекст во знак на гордост, но досега јавно не ја признал својата улога.

dobivaj vesti na viber

Рускиот олигарх Евгениј Пригожин, кој уживаше зголемена моќ во Руската Федерација во последните недели, првпат призна дека ги манипулирал претседателските избори во САД во 2016 година, на кои Доналд Трамп ја победи Хилари Клинтон.

Пригожин, кој стои и зад озлогласената приватна воена компанија „Вагнер“, долго време се споменува во контекст на финансиери на фармата за тролови во Санкт Петербург, одговорни за ширење дезинформации на интернет.

Пригожин е нова ѕвезда во воено-авантуристичката политичка орбита на крвавата руска инвазија.

Обраќајќи се на шпекулациите дека истите тие фарми за тролови ќе се мешаат во изборите за Конгресот и Сенатот оваа недела, Пригожин рече: „Дозволете ми да го кажам ова на елегантен и суптилен начин и дозволете ми да бидам делумно двосмислен: „Се мешавме во американските избори и ќе продолжиме да го правиме тоа“, рече тој.

САД веќе ги обвинија Пригожин и таканаречената агенција за истражување на интернет за мешање во изборите во 2016 година, пишува „Јутарњи лист“.

Можете да прочитате

Украина им дозволи на мажите на возраст од 18 до 22 години да ја напуштат земјата за првпат од почетокот на војната

Трамп најави дека ќе воведе смртна казна за секое убиство во Вашингтон

НАТО распореди германски борбени авиони поради руско присуство во Балтичкото Море