– Руската армија денеска соопшти дека погодила два американски система за противвоздушна одбрана „Патриот“ во Украина, а Киев потврди дека е извршен напад врз тоа оружје, но ја минимизирал предизвиканата штета.
Руската војска „погодила два система Патриот“, соопшти руското Министерство за одбрана во дневниот извештај, без да прецизира кога тоа се случило.
Претходниот ден, руската војска објави снимка на Телеграм, за која вели дека покажува ракета Искандер како погодува систем Патриот во украинскиот регион Дњепропетровск, во централно-источниот дел на земјата.
