Утрински Весник
Балкан

Русите снимија филм за НАТО бомбардирањето на Југославија, се појавува и Путин

Nato Bombardiranje Srbija.jpg
300x250 (7)

Рускиот претседател Владимир Путин ги опиша настаните од 1999 година, кога НАТО почна да ја бомбардира СР Југославија, како голема трагедија.

„Тоа е голема трагедија“, рече Путин во документарниот филм „Белград“ на генералниот директор на ТАСС Андреј Кондрасов.

Ss1

Фрагмент од филмот беше прикажан на ТВ каналот Русија-1 во емисијата Вести на неделата. Путин повтори дека „тоа што го направи Западот е целосно неприфатливо“. Тој го обвини Западот дека започнал војна во срцето на Европа, без никаква резолуција на Советот за безбедност на ОН.

Тој нагласи дека на бомбардирањето на НАТО му претходела „тешка граѓанска војна“.

„Првиот чекор, се разбира, беше прашање на внатрешен конфликт. Сега нема да давам оценки кој за што е виновен и кои биле целите“, изјави тој.

Тој истакна дека сè е „поттикнато и внатрешно и надворешно, и тоа доведе до некаков внатрешен конфликт – во суштина, многу тешка граѓанска војна“.

НАТО започна воена операција против СР Југославија на 24 март 1999 година за „да го спречи геноцидот врз албанското население на Косово“. Според податоците на НАТО, авионите на земјите-членки на алијансата извршиле 38.000 прелети во текот на 78-дневната операција.

Ss1

Можете да прочитате

Бомбата пронајдена во Ниш од бомбардирањето на НАТО успешно отстранета и уништена

Во Ниш акција за уништување на воздушна бомба, евакуирани 1.300 луѓе

Бугарија заплени хероин вреден 9 милиони евра сокриен во душеци за спиење