Американскиот државен секретар Марко Рубио ја започна турнејата низ три членки на НАТО со посета на Исланд, во време кога во земјата остана загриженоста поради ставовите на администрацијата на Доналд Трамп за Арктикот.
Рубио го опиша Исланд како добар пријател на САД. Посетата се одржа во чувствителен дипломатски момент, по изјавите на Трамп за Гренланд и односите со сојузниците. По Исланд, американскиот државен секретар ќе ги посети Грција и Португалија.
Според најавената програма, разговорите во Рејкјавик се насочени кон економската и безбедносната соработка. Во Атина, Рубио ќе ја предводи американската делегација на шестиот Стратегиски дијалог меѓу САД и Грција, со акцент на одбраната, регионалната стабилност и енергетската безбедност.
Последната станица ќе биде Лисабон, каде што се предвидени разговори за одбранбената, економската и технолошката соработка. Турнејата трае до 8 октомври.
