Утрински Весник
Балкан

Роде: Нападите на НАТО не се причина за славење, беше морална обврска да се прекинат злосторствата на Милошевиќ

Rode.webp.webp
Ss2

Амбасадорот на Германија во Косово, Јорн Роде изјави дека датумот на почетокот на воздушните напади на НАТО врз воените и полициски цели на тогашна Сојузна Република Југославија, 24 март 1999 година, не е причина за славење, јави дописникот на МИА од Приштина.

По повод 25-годишнината од почетокот на воздушната кампања на Северноатлантската алијанса во Косово и СРЈ, Роде на платформата Х напиша дека е направено „она што беше неопходно“ за да се спречи „натамошното крвопролевање и злосторствата од страна на режимот“ на тогашниот срспки лидер, Слободан Милошевиќ.

Ss1

Тој порача дека сојузот кој го изврши тогашниот напад врз српските сили останува на ставот дека таа одлука била исправна.

– Го направивме она што беше неопходно за да го спречиме натамошното крвопролевање и злосторствата од страна на режимот на Милошевиќ во Косово, откако дипломатијата не успеа. Тоа беше наша морална одговорност и остануваме на таа одлука, напиша Роде.

Ss1

Можете да прочитате

Во Ниш акција за уништување на воздушна бомба, евакуирани 1.300 луѓе

Бугарија заплени хероин вреден 9 милиони евра сокриен во душеци за спиење

(Видео) Хаос во Белград – Масовна крвава тепачка меѓу Делии и Гробари