Десниот бек на Челси и репрезентативец на Англија, Рис Џејмс, има многу сериозна повреда поради која ќе го пропушти Светското првенство во Катар. Тој се повреди на дуелот против Милан во Лигата на шампионите и, според информациите, ќе мора да паузира до декември.
Ова значи дека, дефинитивно, нема да може да биде дел од селекцијата на Англија на мундијалот.
Рис Џејмс е еден од најдобрите фудбалери на својата позиција и неговото отсуство сигурно ќе претставува голем проблем и за Челси и за репрезентацијата на Англија. Во тимот ќе го замени Цезар Аспиликуета, а националниот тим најверојатно ќе се потре на Трент-Александер Арнолд.
