Раководството на партијата Алијанса за Албанците побара од премиерот Талат Џафери разрешување на министрите за здравство Фатмир Меџити и за информатичко општество и администрација Азир Алиу, а Џафери денеска предлогот го достави до Собранието.
Оттаму, потврдија дека материјалите се примени и дека ќе го достават до сите пратеници а за предлогот за разрешување на министерот за здравство и на министерот за информатичко општество и администрација ќе се расправа на првата наредна седница на Собранието, односно утре, петок 9.02.2024
Во меѓувреме, за денес претседателот на Алијанса Арбен Таравари кој е во судир со Зијадин Села закажа состанок со пратеници и со претставници на централното собрание, кое во сабота ќе одржи седница на која ќе се бара одговорност од Таравари.
