Две лица загинаа во престрелка во Марсеј, јави денеска АФП, повикувајќи се на полициски извори.
Според првичните податоци, инцидентот се случил во северниот дел на градот, кога сторителите отвориле оган врз возило на автопатот. Во нападот, кој се случил синоќа, загинале сите што биле во возилото.
Убиените се на возраст од 20 до 30 години, а нивниот идентитет засега е непознат.
АФП потсетува дека од почетокот на годината во овој регион се убиени 22 лица, од кои повеќето во самиот град, што укажува дека во многу случаи нападите се поврзани со трговија со дрога.
