Утрински Весник
Магазин

Психологијата зад повторното навраќање на исти филмови и серии

Friends.webp.webp
Ss2

Многумина практикуваат, наместо гледање нови филмови и серии, читање нови книги итн., повторно да погледнат нешто постаро што веќе го гледале, или да ја препрочитаат омилената книга – и тоа повеќепати… Психологот Памела Ратлиџ од Универзитетот „Филдинг гредјуејт“ во Калифорнија (САД) се обиде да одговори на прашањето: Зошто луѓето го прават тоа?

– Наоѓањето утеха во остатоците од поп-културата не е нов феномен, иако е чудна појава. Објаснувањето на повторното гледање е едноставно и интуитивно – наместо непознати, бараме познати стимули за време на стресни периоди. Утеха ни е да гледаме работи што сме ги виделе порано затоа што тоа е „лесно за мозокот“, објасни докторката.

Ss1

Според неа, тоа е еден вид терапија, особено ако човекот се чувствува вознемирен.

– Гледањето исто дело постојано е вид потврда дека во светот има ред. Тоа создава чувство на сигурност и удобност на првобитно ниво, додаде таа.

Д-р Ратлиџ ги охрабрува гледачите да обрнат внимание на тоа како самите се чувствуваат кога повторно гледаат серија што веќе ја гледале.

– Честопати, всушност, постојано сме исцрпени од стрес. Размислувањето оди вака: Сакам да гледам нешто што ќе ми даде малку утеха. Тоа е нешто што не ми ја троши енергијата, туку ми ја враќа… Навистина бараме нешто во коешто може да уживаме, а што нема да троши повеќе од нашата енергија, коешто всушност ќе нѐ опушти и нема да ни го оптоварува мозокот со сложен заплет, појасни стручњакот.

Како типични примери таа ги наведе хумористичните серии „Канцеларија“ и „Пријатели“, чиишто репризи се постојано барани токму поради лесниот хумор. 

Ss1

Можете да прочитате

Вишната го намалува крвниот притисок

Дејвид Бекам ја изнесе на грб сопругата Викторија од роденденската забава

Една од најпопуларните атракции во Барселона „избришана“ од Гугл и Епл Мапс