Додека летото си заминува, а зимата полека се подготвува да го заземе своето место, на Балканот веќе пристигна првиот снег. Иако до пред неколку дена температурите беа високи, наглото опаѓање доведе до првите снежни врнежи, со што планинскиот премин Вршич во Словенија е побелен и пренесен во зимска идила.
Превојот Вршич, познат по својата живописна убавина, сега е опкружен со снежна покривка, навестувајќи го доаѓањето на постудените денови и претставувајќи драстична промена на временските услови. Но, снегот не падна само на Балканот. Во Германија, планинските врвови се веќе покриени со снег, додека на Алпите се забележани првите сериозни снежни врнежи, што ја најавува зимата во Европа.
