24-годишен скопјанец провалил во станот на поранешната девојка и ја силувал.
Според информациите од полицијата, СВР Скопје до Основното јавно обвинителство Скопје поднесе кривична пријава против В. Б. (24) од Скопје поради постоење основано сомнение за сторено кривично дело силување.
На 13.1.2023, во 20.45 часот, пријавениот В. Б. со употреба на сила извршил обљуба врз 22-годишна девојка од Скопје. Веднаш по добиената пријава, преземени се мерки и активности од полициски службеници од Одделението за крвни и сексуални деликти, Единица за насилен криминал при СВР Скопје.
В. Б. е приведен и против него до надлежното обвинителство е поднесена кривична пријава, а од судија на претходна постапка на лицето му е одредена мерка притвор од 30 дена.
